Polisi wanachunguza kifo cha mwanamume asiyejulikana ambaye mwili wake uligunduliwa nje ya kanisa katika Kijiji cha Mithini, Kaunti Ndogo ya Murang’a Kusini. Mwanamume huyo, anayekadiriwa kuwa na umri wa takriban miaka 45, alipatikana majira ya saa tisa alfajiri Jumatatu, akiwa ameegemea ukuta wa kanisa katika hali ya kukaa. Kulingana na polisi, maafisa waliofika eneo la tukio walimkuta mwanamume huyo akiwa hana fahamu. Uchunguzi wa awali haukuonyesha majeraha yoyote mwilini, huku chanzo cha kifo kikiwa bado hakijajulikana.