Rais William Ruto ametoa rambirambi kwa kiongozi wa PLP, Martha Karua, na familia yake kufuatia kifo cha baba yake, Mwalimu Jackson Karua. Katika ujumbe wake, Ruto alimwelezea marehemu Karua kama mtu aliyejitolea maisha yake katika ualimu na utumishi, na kuleta athari nzuri kwa vizazi mbalimbali kupitia kazi yake. Gavana wa Kirinyaga, Ann Waiguru, pia alitoa rambirambi zake kwa Martha Karua na familia nzima ya Karua, akisema kuwa maisha yake kama mwalimu, baba na mshauri yanaacha urithi wa kudumu wa upendo, maadili mema na utumishi.