Mvua inatarajiwa kunyesha katika sehemu nyingi za nchi mwishoni mwa wiki hii, huku dhoruba za hapa na pale zikitabiriwa katika maeneo ya Mandera, Wajir, Lamu, Kilifi, Mombasa na Kwale, hali inayoongeza hatari ya mafuriko ya ghafla. Katika utabiri wake wa siku saba, Idara ya Hali ya Hewa nchini imewataka wakazi wa maeneo hayo kuchukua tahadhari. Wakulima katika maeneo yanayopata mvua pia wameshauriwa kutumia fursa ya ongezeko la unyevu wa udongo kuendeleza shughuli za kilimo.