Baraza la Maimamu na Wahubiri nchini limekaribisha hukumu ya kupatwa na hatia kwa Mchungaji Paul Mackenzie kwa kosa la mauaji kuhusiana na maafa ya Shakahola. Katibu Mkuu wa Uratibu wa baraza hilo, Sheikh Mohamed Khalifa, anasema uamuzi huo unapaswa kuwa onyo kwa viongozi wa dini dhidi ya vitendo vinavyohatarisha maisha, huku akitoa wito wa kutolewa adhabu kali kwa wale wanaowadhuru wafuasi wao. Anatumai kuwa uamuzi huo utakuza busara na uwajibikaji katika shughuli za kidini kote nchini.