Serikali imetambua makundi 109 ya uhalifu wa kupangwa yanayofanya kazi kote nchini, huku vyombo vya usalama vikiimarisha juhudi za kudhibiti vurugu, vitisho na vitendo vingine vya uhalifu kuelekea Uchaguzi Mkuu wa mwaka 2027. Katibu wa Usalama Raymond Omollo, amesema idadi ya makundi hayo imeongezeka kutoka 89 yaliyotangazwa kuwa haramu mwaka 2016. Eneo la Magharibi lina idadi kubwa zaidi ya makundi hayo, likiwa na makundi 38, likifuatiwa na Bonde la Ufa lenye makundi 22 na Nairobi yenye 20. Eneo la Nyanza lina makundi 12, Pwani 11, Mashariki matatu, Kaskazini-Mashariki mawili na eneo la Kati moja.