Polisi wanachunguza tukio ambapo mwanafunzi wa chuo kikuu mwenye umri wa miaka 20 alifariki baada ya kudaiwa kudungwa kisu na mwanafunzi mwenzake mjini Murang’a kufuatia hafla iliyofanyika chuoni humo. Kelvin Murimi, mwanafunzi wa mwaka wa pili katika Chuo Kikuu cha Teknolojia cha Murang’a, anadaiwa kushambuliwa majira ya saa kumi na moja alfajiri Jumamosi, alipokuwa akielekea nyumbani kutoka kwenye hafla iliyofanyika chuoni humo. Kwa mujibu wa polisi, kabla ya kufariki, Murimi alieleza kuwa alikuwa amedungwa kisu na mwanafunzi mwenzake.