Mhubiri mmoja kutoka Kilifi amehukumiwa kifungo cha miaka 30 gerezani kwa kumnajisi binamu yake mwenye umri wa miaka 15 mara mbili na kumsababishia ujauzito wakati wa kipindi cha maombi na kufunga kanisani. Hakimu Mkuu James Mwaniki alimpata na hatia mchungaji huyo kwa kosa la unajisi chini ya Sheria ya Makosa ya Kijinsia, akisema kuwa upande wa mashtaka ulithibitisha kesi hiyo pasipo shaka yoyote.