Kufuatia kuahirishwa kwa kuanza kwa ligi ya KPL kutokana na mivutano ya kisheria, Bandari FC iliifunga Kenya Police mabao 2-0 katika mechi ya kirafiki kwenye uwanja wa Police Sacco jana; Alex Kipruto na Lawrence Okoth walifunga mabao hayo yaliyoipa ushindi Bandari. Wakati huo huo, Tusker iliifunga Gor Mahia mabao 3-2 katika mechi nyingine ya kirafiki ya maandalizi ya msimu mpya kwenye Uwanja wa Nyayo. Kocha mkuu wa Bandari, Charles Okere, anataka mazungumzo yafanyike ili kuhakikisha soka linaendelea.

CHARLES OKERE - BANDARI

Timu ya taifa ya voliboli ya wanaume ilipoteza kwa seti 3-1 dhidi ya Algeria katika hatua ya 16 bora ya Mashindano ya Afrika jijini Tunis usiku wa kuamkia leo, na hivyo kuendeleza msururu wa matokeo mabaya. Wafalme', ilijikwamua kutoka kwenye kipigo cha seti ya kwanza (25-21) na kushinda kwa matokeo hayo hayo katika seti ya pili, lakini ilizidiwa nguvu na wapinzani wao kutoka Afrika Kaskazini kwa seti za 25-19 na 25-16 katika seti ya tatu na ya nne mtawalia. Kufuatia kipigo hicho, sasa Kenya itashiriki katika mechi za kuamua nafasi za mwisho baada ya matumaini yote ya kumaliza katika nafasi tatu za juu kutoweka.

Vipindi vya anga kavu vinashuhudiwa Nairobi, Narok na Kajiado.

Ili kupata habari zaidi tembelea tovuti ya radiojambo.