Naibu Rais Kithure Kindiki na mtangulizi wake, Rigathi Gachagua, wameanzisha upya malumbano yao kufuatia vurugu zilizotokea katika mkutano wa chama cha UDA kwenye Uwanja wa Nembure. Gachagua alimtuhumu Kindiki kwa kujaribu kugawanya eneo la Kati, huku akihusisha vurugu hizo na kile alichokiita kukata tamaa kisiasa pamoja na ugawaji wa pesa kwa wakaazi kwa njia ya upendeleo. Kindiki alijibu kwa kusema kuwa hakuna anayeweza kuwahonga wakaazi, na hakuna anayeweza kuigawanya jamii ya GEMA.