Kenya imetambua vipaumbele vinne muhimu katika harakati zake za kujenga mfumo endelevu wa afya na kujitegemea. Katibu wa Huduma za matibabu Ouma Oluga anasema lengo kuu litakuwa katika ufadhili wa afya, kuimarisha nguvu kazi ya afya, uboreshaji wa kidijitali na kuimarisha utengenezaji wa ndani. Akizungumza katika Mkutano wa Biashara jijini Nairobi, Oluga alihimiza sekta binafsi kuainisha uwekezaji na ushirikiano na vipaumbele hivi ili kuimarisha uwezo wa ndani na kuboresha utoaji wa huduma za afya.