Kipa wa Cape Verde Vozinha ameteuliwa kuwania tuzo ya Kipa Bora wa Mwaka kwa Wanaume katika Ballon d'Or ya mwaka 2026. Mchezaji huyo mwenye umri wa miaka 40 alitajwa katika orodha ya wachezaji 10 baada ya kampeni ya Kombe la Dunia ambayo ilimfanya kuwa mmoja wa wachezaji wanaopendwa zaidi kwenye mashindano hayo. David Raya wa Arsenal, Matvei Safonov wa Paris Saint-Germain na Thibaut Courtois wa Real Madrid wote wameorodheshwa. Hata hivyo, kipa bora wa msimu uliopita Gianluigi Donnarumma, amekosa nafasi pamoja na Alisson Becker wa Livwepool, Mike Maignan wa AC Milan na Jordan Pickford wa Everton.

Kocha mkuu wa Kenya U20 Gilbert Selebwa jana alitaja kikosi chake cha mwisho kwa ajili ya Mashindano ya CECAFA U20 yajayo jijini Dar es Salaam wiki ijayo. Kipa wa Nairobi United Benard Jairo na Theodore Mwangi wa Ongata Academy wameorodheshwa pamoja na mabeki Raphael Omondi, Eugine Belety na Edwin Jumba. Nasasiro Trevor anaongoza viungo wa kati pamoja na Yusuf Ahmed, Churchil Ombuor, na Abdirizak Nurie, huku washambuliaji wakiwa ni pamoja na Julius Ochieng, Keylah Mauko na Austine Odongo. Mabadiliko makubwa katika kikosi yamehusishwa na kutopatikana kwa wachezaji, ustahiki unaohusiana na umri na matatizo ya pasipoti.

Vipindi vya anga kavu vinashuhudiwa Kisumu, Kakamega na Eldoret.

Ili kupata habari zaidi tembelea tovuti ya radiojambo.