Sehemu nyingi za Kenya zinatarajiwa kubaki kavu kwa ujumla wiki hii huku nchi ikikaribia msimu wa mvua fupi wa Oktoba-Desemba. Idara ya utabiri wa hali ya hewa nchini inatabiri mvua katika sehemu za kaunti za Lamu, Kilifi, Tana River, Mombasa, Kwale, Narok na Bomet kati ya Septemba tarehe 8 na 14. Wakulima wamehimizwa kuandaa mashamba yao na pembejeo, huku wakaazi katika maeneo yanayokumbwa na mafuriko wakipaswa kusafisha mitaro ya maji.