Rais William Ruto kesho anaanza ziara ya maendeleo ya siku nne katika eneo la Ukambani, itakayohusisha kaunti za Machakos, Makueni na Kitui. Ziara hiyo itajikita katika masuala ya barabara, nyumba za bei nafuu, maji, upatikanaji wa umeme, na umiliki wa ardhi. Rais pia atazindua mradi wa kiwanda cha saruji katika Bonde la Mui, mradi unaotarajiwa kuleta ajira na kuchochea shughuli za kiuchumi. Ziara hii inadhihirisha dhamira ya serikali ya kupanua miundombinu, kuboresha huduma za umma, na kukuza maendeleo yenye usawa katika eneo hilo.