Viongozi wa dini katika Kaunti ya Marsabit wamejiunga na juhudi za kupambana na matumizi mabaya ya dawa za kulevya na mihadarati kufuatia mafunzo ya dini mbalimbali yaliyotolewa na NACADA. Mratibu wa NACADA wa Kaunti ya Marsabit, Mohamed Wako, alisema viongozi wa kidini wana jukumu muhimu katika kushughulikia tatizo linalokua kwa kuingiza jumbe za kupambana na dawa za kulevya katika mahubiri na programu za kidini. Alisema viongozi hao walikubali kuwaalika maafisa wa NACADA makanisani, misikitini, madrasa, kambi za vijana na mikusanyiko ya jamii ili kuhamasisha wakaazi kuhusu hatari za matumizi mabaya ya dawa za kulevya.