Wizara ya Afya imechukua hatua ya kudhibiti mkurupuko wa homa ya dengue huko Garissa na Wajir baada ya kaunti hizo mbili kuripoti visa 1,678 na vifo vitano vinavyoshukiwa. Garissa iko katikati ya mkurupuko huo, ikiwa na visa 1,583 vilivyoripotiwa kufikia Agosti tarehe 26, kulingana na taarifa mpya ya Wizara. Wajir imerekodi visa 95 vilivyothibitishwa kwa maabara. Vifo vyote vitano vinavyoshukiwa viliripotiwa Garissa, vinne vikitokea katika Mji wa Garissa na kimoja huko Hagadera. Katibu wa Afya ya Umma Mary Muthoni amesema serikali inafuatilia hali hiyo kwa karibu na imeimarisha hatua za kuzuia maambukizi zaidi.