Madaktari wanaonya kuhusu mgogoro katika huduma ya afya ya uzazi huku akina mama na watoto wengi wakiwa wameachwa katika hatari kutokana na mgomo unaoendelea wa wauguzi, maafisa wa kliniki na wafanyakazi wengine wa matibabu. Madaktari wamemwomba Rais William Ruto kuingilia kati ili kukomesha mgomo huo ambao umevuruga huduma za afya katika hospitali za kaunti. Madaktari ambao ni wanachama wa Chama cha afya ya Uzazi na Wanawake cha Kenya wanasema wanawake wajawazito sasa wanalazimika kujifungulia nyumbani au katika hali hatari kwa sababu hawawezi kupata huduma za hospitali.