Mshambuliaji wa Harambee Stars William Lenkupae amejiunga na timu ya USL Championship FC Tulsa nchini Marekani. Kiungo huyo mwenye umri wa miaka 24 anatarajiwa kucheza kwa mara ya kwanza wakati Tulsa itakaposafiri kukabiliana na New Mexico United Jumamosi. Lenkupae anawasili Marekani baada ya kuisaidia klabu ya VPS kufurahia kampeni nzuri nchini Finland, ambapo walimaliza wa nne. Mzaliwa wa Melbourne, Lenkupae alichagua kuiwakilisha Kenya kimataifa licha ya kuwa na uraia wa Australia, Uingereza na Kenya.

Timu ya kitaifa ya voliboli ya wanawake Malkia Strikers wanatafuta taji la 11 la kihistoria la Afrika, katika ardhi ya nyumbani huku Mashindano ya Volliboli ya Afrika yakikaribia. Malkia hao wa Afrika waliimarisha mazoezi katika uwanja wa ndani wa Kasarani, chini ya kocha mkuu Geoffrey Omondi huku ushindani mkali ukitarajiwa kutoka kwa wapinzani wao Cameroon, Misri, Tunisia, Nigeria, miongoni mwa wengine. Nahodha wa Malkia Strikers Meldine Sande anasema wako katika hali nzuri na wanatarajia mashabiki wa nyumbani watawasukuma kuvuka mstari, huku tiketi ya Olimpiki ya Los Angeles mwaka 2028 ikishindaniwa.

Vipindi vya anga kavu vinashuhudiwa Eldoret, Kisumu na Kakamega.

Ili kupata habari zaidi tembelea tovuti ya radiojambo.