Eldoret: Miaka 35 Jela Kwa Polisi Wa Kike Aliyemmiminia Risasi Mumewe Mara 12

Mahakama ya jijini Eldoret imemkuta na hatia ya mauaji aliyekuwa afisa wa polisi Lilian Biwott kwa kumuua mumewe kwa risasi.

Akitoa hukumu hiyo Jumanne, Jaji wa Mahakama Kuu ya Eldoret, Reuben Nyakundi alisema Biwott alionyesha ukatili kwa kumpiga mwenzi wake risasi 12.

"Lilian alitumia silaha ile ile aliyopewa kwa ajili ya kuzuia uhalifu kama halali kumuua mumewe. Ni ushenzi, ushetani na ukatili. Hiyo ndiyo inaweza kusemwa ukatili kwa binadamu mwingine," hakimu alisema.

Hakimu alisema hakuna ushahidi kwamba mshtakiwa alikuwa akijitetea kwa kuwa hakuna kilichothibitisha kuwa mwenzi wake ndiye aliyemkasirisha.

Nyakundi alisema afisa huyo wa polisi alitumia vibaya bunduki yake, akijua wazi kuwa haikuwa sawa kwa mujibu wa sheria.

Alisema kitendo chake hicho kimeitesa familia ya marehemu, hasa mama yake mzazi ambaye kwa sasa ameshuka moyo na kuathirika kisaikolojia.

"Lilian, ulikuwa na kila kitu ili kuepuka kifo cha mumeo, baba kwa watoto wako ambao sasa ni yatima lakini wewe kuchagua kusafiri njia mbaya," alisema hakimu.

Alisema matukio ya ukatili wa kijinsia na mauaji ya wanawake yamekuwa yakiongezeka nchini na hivyo kunahitajika adhabu kali zaidi.

"Njia iliyopangwa kuwa kitendo hicho kilifanywa ilikuwa ya kutisha" alibainisha Nyakundi.

Biwott alipatikana na hatia ya kumpiga mumewe risasi 12 mnamo Oktoba 9, 2023, nyumbani kwao Kimumu, Eldoret, na kusababisha kifo chake papo hapo.