"Kwanini niuawe?" Mwimbaji Akothee afoka baada ya mwanamke kumtakia kifo

Mwimbaji Akothee alikuwa mwanamke mwenye hasira siku ya Ijumaa asubuhi baada ya mwanamitandao wa kike kutoa maoni kwenye Facebook akimtakia kifo.

Mtumiaji wa Facebook Ma Doris Muturi alitoa maoni yake chini ya mojawapo ya chapisho la Akothee akitaka raia mmoja wa Uganda amuwekee sumu mwimbaji huyo ambaye kwa sasa yuko katika nchi hiyo  jirani.

Katika maoni yake, mwanamtandao aliitakia roho ya Akothee kupumzika kwa amani hata kabla ya tamanio lake kutimia.

“Si Mganda mmoja ajitolee apee hii *** sumu. RIP mapema,” mwana mtandao alitoa maoni yake.

Mwimbaji huyo alijibu maoni hayo kwa hasira na alionekana kumkashifu mwanamtandao huyo kwa kile alichoandika.

Akothee alionekana kushangaa kwa nini mwanadada huyo alitaka afe au kama angeweza kuchukua nafasi yake ikiwa atakufa.

"Wao, ninachochea kushindwa kwako vibaya hadi unatamani kuniona nimekufa? Je, utachukua nafasi yangu na kuwa Akothee wakati huwezi kuwa wewe mwenyewe. Wao, pona haraka,” Akothee alijibu.

Pia alitumia tukio hilo kuwaeleza watu kwa nini mambo kama hayo huwafanya watu mashuhuri waepuke kutembelea nyumba za watu wengine.

"Sasa unaelewa maisha ya ndani kuwa mtu wa umma na kwa nini hatutembelei nyumba za watu haswa wanawake? Kwa nini niuawe,” alihoji.

Kwa sasa Akothee yuko katika nchi jirani ya Uganda ambako anajivinjari na mpenziwe Nelly Oaks na pia kukuza sekta ya utalii nchini humo.

Mapema mwaka huu, msanii huyo alifanywa kuwa balozi wa utalii na nchi jirani na tangu wakati huo amekuwa mgeni wa mara kwa mara huko.