Mwanamume mmoja kutoka Kawangware anatarajiwa kufikishwa mahakamani kuhusiana na mtandao haramu wa wizi wa mita za umeme, kufuatia operesheni ya polisi iliyoongozwa na taarifa za kijasusi, ambapo mita 12 zinazodhaniwa kuibwa zilipatikana nyumbani kwake. Kulingana na taarifa kutoka kwa DCI, Clinton Amuma alikamatwa nyumbani kwake eneo la Kawangware Stage 56. Amuma anazuiliwa na polisi huku timu za kiufundi kutoka Kenya Power zikiungana na wapelelezi ili kuharakisha uchunguzi.