Chombo kikuu cha afya barani Afrika kimepuuza kisa cha pili cha Ebola nchini Kenya, kikisema kuwa maambukizi mapya miongoni mwa watu ambao tayari wametambuliwa na kufuatiliwa na mamlaka za afya, hayamaanishi lazima kwamba mkurupuko huo unasambaa zaidi. Dkt. Wessam Mankoula, mkurugenzi wa Kituo cha Maandalizi na Kukabiliana na Magonjwa katika shirika la Africa CDC, alisema kuwa hali ya kutisha zaidi ingekuwa ni kugunduliwa kwa wagonjwa ambao uhusiano wao na visa vilivyopo haujulikani; jambo linaloashiria kuwa virusi hivyo vinaweza kuwa vinaenea katika jamii bila kugunduliwa.