Wauguzi na wakunga katika Hospitali ya Mafunzo, Rufaa na Utafiti ya Chuo Kikuu cha Kenyatta wametoa ilani ya siku 21 ya mgomo kutokana na malalamiko ya kikazi ambayo hayajatatuliwa. Muungano wa Kitaifa wa Wauguzi na Wakunga nchini unasema kuwa wanachama wake wataanza mgomo tarehe 9 Novemba iwapo madai yao—yakiwemo kupandishwa vyeo, ​​malimbikizo ya mishahara, malipo ya kiinua mgongo, na makubaliano ya CBA, hayatashughulikiwa.