Rais wa FKF, Hussein Mohammed, amesema soka itaendelea licha ya hujuma kutoka kwa kundi jingine zinazotishia kusambaratisha mchezo huo. Hii inafuatia kitendo cha wajumbe saba wa Kamati ya Utendaji (NEC), wakiongozwa na Makamu wa Rais wa FKF, Mc Donald Mariga, kukosa kuhudhuria kikao cha mashauriano cha NEC. Hussein aliwashutumu wajumbe hao saba kwa kurudisha nyuma maendeleo ya soka na kueneza taarifa potofu kwa umma. Amethibitisha kuwa wapo katika mawasiliano na FIFA, CAF, pamoja na serikali kuhusu suala hilo.

HUSSEIN MOHAMMED- NEC

Mashindano ya maonyesho ya tenisi ya 'Six Kings Slam' nchini Saudi Arabia, yaliyotarajiwa kuwashirikisha mabingwa wa 'Grand Slam' kama vile Carlos Alcaraz, Novak Djokovic, na Alexander Zverev, yameahirishwa kufuatia msururu wa mashambulizi mabaya katika mji wenyeji, Riyadh. Wachezaji hao watatu walikuwa wasafiri hadi Saudi Arabia kwa ajili ya hafla ya siku tatu iliyopaswa kuanza tarehe 21 mwezi huu. Mashindano hayo yalikuwa katika hatihati kubwa tangu kundi la Wahouthi kutoka Yemen lilipoanzisha mashambulizi dhidi ya Saudi Arabia mwishoni mwa wiki iliyopita.

Vipindi vya anga kavu vinashuhudiwa Nairobi, Narok na Kajiado.

Ili kupata habari zaidi tembelea tovuti ya radiojambo.