Kijiji cha Usoma katika Kaunti ya Kisumu kimegubikwa na majonzi kufuatia kifo cha mtoto mdogo aliyefariki kwa kuzama kwenye shimo la kuchimba mchanga lililojaa maji, huku wakaazi wakitoa wito wa kuchukuliwa hatua za dharura ili kuzuia vifo zaidi. Tukio hilo la kusikitisha pia limeibua upya hofu kuhusu mashimo mengi yaliyoachwa wazi baada ya kuchimbwa mchanga miaka iliyopita; wakaazi wanasema mashimo hayo yamesalia wazi na kujaa maji ya mvua, na hivyo kuwa mitego hatari kwa watoto na watu wazima.