Mkurugenzi wa Mashtaka ya Umma amefanikisha kupatikana kwa hukumu ya kifo dhidi ya wanaume wawili baada ya kupatikana na hatia katika mashtaka manne ya wizi wa mbavu katika Mahakama ya Moyale. Nashon Agutu na Jackson Odhiambo walipatikana na hatia ya kuwanyang'anya wakaazi wanne mali zao huko Dabel, katika Kaunti Ndogo ya Moyale, Marsabit, mwezi Aprili mwaka uliopita. Wawili hao, ambao walikuwa na bunduki na silaha nyingine hatari, pia waliwashambulia wakaazi hao na kuiba pesa taslimu, simu za mkononi na mali binafsi. Mahakama iliwapa muda wa siku 14 kukata rufaa.