Mahakama Kuu imetupilia mbali kesi ya kikatiba iliyopinga uhalali wa Jopokazi la Rais kuhusu Ukatili wa Kijinsia na Mauaji ya Wanawake. Jaji Patricia Gichohi aliamua kuwa Rais alitumia mamlaka yake ya kikatiba alipounda jopokazi hilo kupitia Amri ya Kiutendaji na Tangazo la Serikali Januari mwaka uliopita. Kesi hiyo, ilidai kuwa Rais alikiuka mamlaka aliyopewa na Katiba kwa kuunda chombo ambacho majukumu yake yanapishana na yale ya Tume ya Kitaifa ya Jinsia na Usawa.