Kenya Power yatangaza maeneo yatakayokumbwa na ukatizaji wa umeme leo Jumapili

Kampuni ya Kenya Power imetangaza kuwa baadhi ya maeneo nchini yatakumbwa na katika kwa umeme siku ya Jumapili, Machi 10, ili kuruhusu shughuli muhimu za matengenezo ya mfumo wa usambazaji.

Kwa mujibu wa tangazo lililotolewa Jumamosi jioni, kaunti nne zitakazoathirika ni Nairobi, Machakos, Kisumu na Tana River.

Umeme katika maeneo yatakayoathirika utakatika kati ya saa tatu asubuhi na saa kumi na moja jioni. 

Nairobi 

Baadhi ya maeneo jijini Nairobi yatakosa umeme kuanzia saa tatu asubuhi hadi saa kumi na moja jioni. Maeneo yaliyoathirika ni Babadogo Road, Impala, Kiwi Brand, Regal Pharmaceutical, Dawanol, Dogra, Premier Industries, Premier Food, Chandaria, Jubilee Tissue, Police Logistics, Aztec, Razco, Pepsi, Lysons Maid, na wateja wa karibu. 

Machakos 

Katika Kaunti ya Machakos, maeneo yaliyoorodheshwa yatapitia ukosefu wa umeme kwa kipindi cha saa tatu asubuhi hadi saa kumi na moja jioni. Maeneo haya ni Apex, Athi River Makadara, Mutongoni, Ad Pack, KMC Factory, Star Sheikh, St. Paul's, na wateja wa jirani.

Kisumu

Kwa wakazi wa Kisumu, kukatika kwa umeme kunatarajiwa kati ya saa tatu asubuhi na saa kumi na moja jioni. Maeneo yatakayoathirika ni Manyatta Sije, Manyatta Koyango, Sansora Hotel, Kilimani Shopping Centre, Lions High School, CITAM Church, na wateja wa karibu. 

Tana River 

Katika Kaunti ya Tana River, umeme utakatika ndani ya muda huo. Maeneo yaliyoathirika ni Hola Town, Masalani, Bura, na wateja wa jirani.