Rais Ruto ateua wajumbe wa jopo la uteuzi wa IEBC

Rais William Ruto amewateua wajumbe wa jopo la uteuzi waliotwikwa jukumu la kuwasajili wateule wa nyadhifa za Mwenyekiti na Wajumbe wa Tume Huru ya Uchaguzi na Mipaka (IEBC).

Walioteuliwa ni Adams Oloo, Nelson Makanda, Fatuma Saman, Amb. Koki Muli, Evans Misati, Nicodemus Bore Kipchirchir, Andrew Tanui Kipkoech, Carolene Kituku na Linda Kiome Gakii.

Katika notisi ya gazeti la serikali ya Januari 27, rais alibatilisha uteuzi wa wajumbe walioteuliwa mapema 2023.

Haya yanajiri huku kukiwa na shinikizo kwa Ruto kuanzisha jopo la uteuzi wa IEBC kwa dharura, kwa madai kuwa anaingilia taasisi huru na kukwamisha mageuzi.

"Siku ya Jumatatu, tunatarajia kuja na taarifa ya wazi kabisa kuhusu kile kinachoendelea. Wakati huo huo, ndani ya Sekretarieti ya IEBC yenyewe, kuna mambo ya kutisha yanayoendelea, kama vile ununuzi. Wanajaribu misingi," kiongozi wa Chama cha Wiper. Kalonzo Musyoka alisema mwishoni mwa wiki.

Katibu Mkuu wa Jubilee Jeremiah Kioni aliteta kuwa kuunda IEBC kwa wakati kutamfanya Kalonzo achukue urais 2027. 

Kiongozi wa Chama cha DAP-Kenya Eugene Wamalwa kwa upande wake alikashifu serikali kwa kuchelewa kuunda upya IEBC, takriban miaka minne tangu utawala wa sasa uanze mamlaka.

Mahakama ya Juu Ijumaa iliandaa njia kwa Rais Ruto kuteua jopo hilo baada ya ombi la kupinga katiba kutupiliwa mbali.

Mahakama kuu ya Kiambu ilitupilia mbali ombi la kupinga katiba ya jopo hilo kwa misingi kwamba mlalamishi, Bonface Njogu, alikosa kuthibitisha kuwa watu wanaoishi na ulemavu hawakujumuishwa.

Jaji Dola Chepkwony pia alitupilia mbali ombi la kupinga mchakato wa uteuzi wa Azimio, akisema dai kwamba muungano huo umeshindwa kuendesha zoezi la kuajiri watu kwa ushindani na wazi haliwezi kuthibitishwa.