Liverpool yakataa ofa ya Real Madrid ya kumsajili Trent Alexander-Arnold

Liverpool imekataa ofa kutoka Real Madrid ya kutaka kumsajili beki wa pembeni Trent Alexander-Arnold katika dirisha la uhamisho la Januari.

Mkataba wa mchezaji huyo wa kimataifa wa Uingereza mkataba unamalizika mwezi Juni na ndiye anayelengwa zaidi na Madrid kufuatia jeraha la muda mrefu la beki wa kulia Dani Carvajal.

Ilifikiriwa miamba hao wa Uhispania walipendelea kusubiri hadi msimu ujao wa joto ili kumsajili Alexander-Arnold kwa uhamisho wa bure lakini waliwasiliana na Liverpool Jumanne kuhusu uwezekano wa kuhama mwezi ujao.

Maendeleo hayo yalikataliwa haraka na viongozi wa Ligi Kuu na hakuna zabuni rasmi iliyotolewa.

Mazungumzo kuhusu kuongezewa kandarasi katika klabu ya Liverpool yamekuwa yakifanyika na kambi ya Alexander-Arnold kwa miezi kadhaa na mchezaji huyo bado hajaonyesha nia ya kuondoka katika klabu hiyo.

Alexander-Arnold ni mmoja wa wachezaji watatu wa Liverpool ambao mkataba wao wa sasa unaisha msimu ujao wa joto, pamoja na Mohamed Salah na nahodha wa klabu Virgil van Dijk.

Kikosi cha Arne Slot kwa sasa kiko mbele kwa pointi nane kileleni mwa jedwali la Ligi Kuu na pia kimeshinda michezo yao yote katika Ligi ya Mabingwa iliyoboreshwa, na pia kutinga nusu fainali ya Carabao Cup.

Wachezaji wote watatu ambao hawana kandarasi wataweza kuzungumza rasmi na vilabu visivyo vya Kiingereza kuhusu kujiunga bila malipo dirisha la uhamisho litakapofunguliwa Januari 1.