Githurai, Kawasaki kupimana ubabe katika fainali ya Sakaja Super Cup

Mabingwa watetezi wa Sakaja Super Cup, Githurai All Stars watakuwa wakisaka taji lao la pili mtawalia watakapomenyana na Kawasaki katika fainali kwenye uga wa Dandora, Jumamosi.

GAS ilitinga fainali baada ya kulaza Shauri Moyo United 3-2 katika fainali za eneo la Nairobi Mashariki.

Katika mchuano wa eneo la Nairobi Magharibi, Kawasaki ilijikatia tiketi ya fair alia kwa mwaka wa pili mfululizo baada ya kuwacharaza South C Rangers 1-0 kupitia bao la pekee lililofungwa na Ali 'Aguero' Maleche.

Nahodha wa Githurai Kevin Njuguna alifunga penalti dakika ya nne, lakini Abednego Wawire akasawazisha mnamo dakika ya 16.

Edwin Nganga alirejeshea Githurai uongozi dakika ya 30, lakini Wawire akaghairi tena dakika ya 42. Dakika ya 56, Nganga walifanya mabadiliko kwa kufunga bao la karibu na kumpa ushindi bingwa huyo.

Pande hizo mbili zitarejelea ushindani wao ulioshuhudiwa katika fainali za mwaka jana ambapo GAS iliizaba Kawasaki 5-4 kupitia mikwaju ya penalti ya baada ya mechi katika

Uwanja wa Police Sacco Stadium na kuibuka kidedea kwa taji la kwanza na kujinyakulia kitita cha Sh3,000,000. Kawasaki ilihitaji tu bao kutoka kwa Ali "Aguero" Maleche ili kuwashinda South C Rangers na kupata nafasi ya kufuzu katika fainali dhidi ya GAS.

Wakati huo huo, South C Queens itamenyana na Shrink Pack Ladies FC katika fainali ya wanawake katika uwanja wa Dandora siku ya Ijumaa. Queens iliizaba Nairobi Starlets mabao 3-1 katika mchujo wa fainali za eneo la Nairobi Magharibi.

Maureen Omekede aliweka Queens mbele katika dakika ya kwanza ya mechi kabla ya Mercy Baraza kurejesha usawa dakika tatu baadaye. Omekede aliifungia Queens mbele tena baada ya kuokota mpira uliolegea kutoka katikati ya uwanja na kutinga wavuni dakika ya 24.

Margaret Omweri aliongeza bao la kuongoza katika dakika ya 32 na kuipeleka timu yake katika fainali kuu. Katika fainali za kanda ya Nairobi Mashariki, Shrink Pack FC kutoka Kasarani ilijikatia tiketi ya fainali baada ya kuwalaza Soweto Starlets 2-1 katika pambano lingine la kumwaga midomo.

Shrink Pack sasa itamenyana na South C Queens siku ya Ijumaa ili kubaini bingwa bora wa Kombe la Sakaja kwa wanawake.

Mabingwa wa wanawake watapata kitita cha shilingi milioni moja, mshindi wa pili Sh500,000, na mshindi wa tatu Sh250,000 pesa taslimu.

Mshindi wa kitengo cha wanaume hatimaye atajinyakulia zawadi bora ya Sh3 milioni, huku washindi wa pili watapata Sh2 milioni na mshindi wa medali ya shaba atapata Sh1 milioni.