Kenya yashindwa kufuzu kwa AFCON 2025 baada ya sare ya 1-1 dhidi ya Zimbabwe

Timu ya taifa ya Kenya, Harambee Stars wametupwa nje ya mashjindano ya kuwania ubingwa wa Afrika, AFCON, Makala ya 2025 nchini Morocco baada ya kushindwa kupata ushindi kwenye mechi yao dhidi ya Zimbabwe.

Mechi hiyo ilikamilika kwa sare ya 1-1 nchini Afrika Kusini, kumaanisha kwamba Kenya inaungana na Namibia kurudi nyumbani.

Kenya iliwekwa katika kundi J pamoja na Namibia, Zimbabwe na Cameroon.

Harambee Stars ilihitaji ushindi kabla ya mchezo wao ujao dhidi ya Namibia na ililazimika kutumaini kwamba Zimbabwe ingepoteza kwa Cameroon katika mechi yao ya mwisho, lakini matumaini yao yalikatishwa na Waafrika Kusini.

Harambee Stars walianza vyema huku wakisogeza mpira vizuri huku wakitafuta bao la mapema ili kuwasumbua wenyeji.

Zimbabwe walipata bao la kuongoza dakika ya 32 kwa shuti la kwanza lililolenga lango la Tawanda Maswanhise kuachia shuti kali lililompita Byrne Omondi na kufanya 1-0.

Harambee Stars ilipata bao lao la kusawazisha dakika ya 52 Jonah Ayunga alipotumia vyema makosa ya safu ya ulinzi baada ya kipa Mzimbabwe kumwaga mpira, na hivyo kumruhusu Ayunga kuukwaa mpira uliorudi kabla ya beki wa Warriors kuuondoa nje ya mstari.

Matumaini ya Kenya kushiriki AFCON ni hadi mwaka 2027 ambapo watakuwa waandalizi wakishirikiana na Uganda (ambao tayari wamefuzu kwa Makala ya 2025) pamoja na Tanzania.