KPLC yatangaza maeneo ambayo yatakosa stima leo, Jumapili

Samuel Maina

November 10, 2024 1 min read

KAMPUNI ya kusambaza umeme nchini Kenya (KPLC) imeonya kuhusu kukatizwa kwa umeme katika maeneo kadhaa nchini siku ya Jumapili, Novemba 10.

Katika taarifa ya Jumamosi jioni, kampuni hiyo ilisema kukatizwa kwa umeme kutatokana na ukarabati ambao utakuwa ukifanyiwa kwenye mitambo.

Tusker rally past Ulinzi to reach FKF Cup semifinals as Nairobi United bow out Football

Red hot Omanyala to orchestrate Kenya's 4x100m charge at World Relays today Athletics

Walisema baadhi ya maeneo ya kaunti nne za Kenya yatakosa umeme kati ya saa tatu asubuhi na saa kumi na moja unusu jioni. Kaunti ambazo zitaathirika ni pamoja na Nairobi, Kakamega, Kisumu, na Kiambu.

Katika kaunti ya Nairobi, baadhi ya sehemu za barabara za Rangwe na Kampala zitakosa umeme kati ya saa tatu asubuhi na saa kumi na moja jioni.

Eneo la Matawa katika kaunti ya Kakamega litaathirika na kukatizwa kwa umeme kati ya saa tatu unusu asubuhi na saa kumi na moja unusu jioni.

Sehemu za mtaa wa Milimani na eneo la Kano katika kaunti ya Kisumu pia zitaathirika na kukatizwa kwa umeme kati ya saa tatu asubuhi na saa tisa alasiri.

Katika kaunti ya Kiambu, sehemu za maeneo ya Kiandutu, Kahawa Bora, Chania Feeds na Capwell zitakosa umeme kati ya saa tatu asubuhi na saa kumi na moja jioni.