RAMBIRAMBI zimetolewa kwa mwanasoka wa Peru mwenye umri wa miaka 21 baada ya kufariki kufuatia mgongano wa kutisha katika mechi ya Kombe la Peru.
Helar Gonzales Altamirano alibebwa hobelahobela nje ya uwanja hadi kwenye gari la wagonjwa lililokuwa likimsubiri baada ya kugongana uso kwa uso na golikipa wa timu pinzani walipokuwa wakigombea mpira wa angani.
Kakake Eliceo, ambaye bado alikuwa akiomba watu wamwombee Helar siku ya Jumanne kwenye mtandao wa kijamii, alithibitisha kuwa alikuwa amepoteza pambano lake la maisha baadaye siku hiyo hiyo.
Alihusisha kifo cha Altamirano kufuatia mgongano wa Jumapili na kupasuka kwa ateri katika kichwa cha ndugu yake.
Klabu ya mwanasoka, Real Titan Nc ilisema katika taarifa yake: "Pumzika kwa amani rafiki. Tutakukumbuka kwa upendo wako wa soka na familia yako. Unatuacha na maumivu makubwa.”
"Nguvu kubwa kwa familia yako katika wakati huu mgumu. Hawako peke yao kwa sababu Titan yuko pamoja nao na familia ya soka iko pamoja nao."
Klabu hiyo iliendelea kuchapisha picha za moja kwa moja za jeneza la Altamirano likipelekwa kwenye chumba cha mazishi kwenye gari jeupe la kubebea maiti kabla ya kuamkia na video ya mabao aliyofunga mwaka huu kabla ya kifo chake kisichotarajiwa.
Mgongano huo mbaya ulitokea katika dakika ya 70 ya mechi ya Copa Peru kati ya timu ya Altamirano na nyingine inayoitwa Defensor Nueva Cajamarca.
Picha zilionyesha wachezaji wakimsonga huku akitolewa nje akiwa amepoteza fahamu, huku mchezaji mwenzake akimsaidia kumuweka kwenye gari la wagonjwa lililompeleka hospitali katika mji wa Moyobamba, kaskazini mwa Peru. Mtangazaji wa TV alisema alipokuwa akifukuzwa: "Tunatumai atapona na kuitikia matibabu kwa haraka."
Baba ya Altamirano, Jose, ambaye alikuwa kwenye viti akitazama wakati mwanawe alipoanguka chini na kupoteza fahamu, alipigana na machozi alipokuwa akiambia kituo cha televisheni cha ndani: "Ningependa kushukuru kila mtu kwa msaada wao kwa maumivu haya mabaya ambayo tunapata.
"Helar alitaka kuwa mwanasoka bora tangu akiwa mdogo sana na mara zote alikuwa anazungumza kuhusu kufika mbali katika mchezo kadri awezavyo. Najua timu yake itajitolea mafanikio yao yote ya baadaye kwake.”
