Amorim adai mbinu zake zina maendeleo mazuri baada ya Man Utd kunyukwa na Forest

KOCHA wa Manchester United, Ruben Amorim amedai kwamba mbinu zake za uchezaji katika klabu ya Man Utd zinaonyesha mafanikio makubwa licha ya kupoteza mikononi mwa Nottingham Forest.

Huku kukiwa na mechi nane pekee za Ligi ya Premia kuchezwa, Mashetani Wekundu wamo na pointi nane kutoka kwenye nusu ya juu ya jedwali na nusu ya ushindi wao 10 wameupata dhidi ya timu hizo tatu zote ambazo zinatarajiwa kushuka daraja.

"Nadhani tulidhibiti mchezo, lakini tayari tulijua kwamba timu hii inaweza kufunga mabao bila ya chochote. Kisha inapofunga, inabadilisha mchezo kidogo kwa kile wanachotaka. Tulijaribu wakati mwingine tukiwa na nafasi nzuri, lakini katika tatu ya mwisho, krosi ya mwisho, pasi ya mwisho - haikuwepo. Wakati hatuna hilo, hatuwezi kufunga mabao. Lakini msimu huu ni kama hivyo. ... Tunahitaji kupata matokeo bora katika safu ya tatu ya mwisho."

Mreno huyo ambaye amekuwa na mwanzo mgumu katika taaluma yake ya kuifunza Manchester United alisisitiza kwamba hawezi jidanganya kwani wako katika nafasi nzuri ya kufanikiwa.

"Naona [maendeleo] kwenye mchezo. Sijidanganyi. Kila mtu anaweza kusema anachotaka lakini naona baadhi ya mambo, lakini tunahitaji kushinda michezo ili tuende kwenye mchezo unaofuata."

Matokeo hayo yanamaanisha kwamba Amorim ameshinda mechi sita pekee kati ya 19 za ligi akiwa kocha, huku United wakiangalia umaliziaji wao wa kwanza mkiani tangu msimu wa 1989-90.

Mreno huyo alisikitika uchezaji wa wachezaji wake baada ya kupoteza Jumanne, akidai kuwa 'walisaidia Forest kushinda pointi tatu'.