“Cole Palmer alikuwa anaendesha saa 48 kabla ya mechi” – Kocha Enzo Maresca

KOCHA wa Chelsea, Enzo Maresca amefichua kwamba nyota wake Cole Palmer alishiriki katika mchezo wa premia dhidi ya Leicester City akiwa hajisikii vizuri kiafya.

Akizungumza na waandishi wa Habari baada ya mechi baada ya ushindi mwembamba wa Ligi Kuu ya Uingereza dhidi ya Leicester City kwenye Uwanja wa Stamford Bridge, Muitaliano huyo alisema kwamba Palmer hakushiriki mazoezi siku mbili kabla ya siku ya mechi.

Hata hivyo, licha ya kutoshiriki mazoezi kutokana na hali yake ya kuendesha, Maresca alisema kwamba Palmer aliomba kujumuishwa kwenye kikosi dhidi ya Leicester.

"Ni rahisi sana: Cole, jana, hakufanya mazoezi na wakati wa usiku, hakujisikia vizuri. Sababu iliyomfanya asifanye mazoezi jana ni kwa sababu hakujisikia vizuri. Asubuhi ya leo, aliamka na akaniuliza, 'Nataka kuwa uwanjani kwa sababu nataka kusaidia timu hii, klabu hii kucheza Ligi ya Mabingwa'.

"Kwa hiyo katika siku mbili zilizopita, alikuwa nje kabisa. Homa, ni kitu ninachoweza kusema kwa Kiingereza? Kuhara. Katika saa 48 zilizopita, hakufanya mazoezi na homa na hisia hii mbaya. Asubuhi ya leo, aliomba kucheza mchezo na hii inaonyesha jinsi wachezaji hawa wanataka kuifikisha klabu mahali pake."

The Blues waliwapita Foxes waliokuwa wakihangaika Jumapili alasiri kutokana na bao zuri la Marc Cucurella dakika ya 60 na ushindi huo ukirejesha timu ya Maresca ndani ya nne bora.

Kocha huyo wa zamani wa Leicester City aidha alifichua kwamba anahurumia klabu hiyo ambayo sasa huenda ikashushwa Daraja tena msimu huu baada ya kufanya kazi nzuri ya kuwarejesha kwenye ligi kuu msimu uliopita.

"Ninawaonea huruma Leicester kwa sababu nitawashukuru kila mara. Lakini sababu ni kwa sababu ya hili. Wanakuja hapa wakidhani wanaweza kutushangaza lakini wachezaji walizoea vizuri na hii ndiyo sababu iliyonifanya kuwa na furaha."

Palmer alikosa kufunga penati yake ya kwanza katika taaluma yake ya soka na haswa akiwa na klabu ya Chelsea.