Ten Hag: Kushinda Mataji 2 na Man U Kulinipa Heshima Kubwa Jijini Manchester

ALIYEKUWA meneja wa klabu ya Manchester United, Erik Ten Hag kwa mara ya kwanza amevunja kimya kuhusu muda wake wa karibia miaka miwili na nusu na klabu hiyo.

Mholanzi huyo katika mazungumzo na SEG Stories, alisema kwamba hakuna kitu alifurahia zaidi ya kuona mashabiki wakijitokeza kila wiki kushangilia timu yao pendwa.

Aidha, Ten Hag mwenye umri wa miaka 55 alieleza kwamba alihisi kuthaminiwa pakubwa si tu na uongozi wa klabu lakini pia na mashabiki pale aliposhinda mataji mawili ndani ya misimu miwili.

Mholanzi huyo alisema kumaliza ukame wa miaka 6 wa mataji ndani ya Manchester United kwa kushinda Carabao na FA kulimpa heshima kubwa kutoka kwa mashabiki katika mitaa ya jiji la Manchester.

"Nilifurahia sana muda wangu Manchester. Mashabiki... ni wa ajabu sana. Wamejitolea sana, waliojitolea sana, waaminifu sana. Kwa timu yangu, kwangu, kwa wafanyakazi wangu. Pia tuliwapa zawadi mbili baada ya ukame wa miaka sita. Nilithaminiwa. Niliona kwa kweli kwamba nilipotembea mitaa ya Manchester. Vipi? Kujumuika, walikupa sifa.”

"Mashabiki walifurahishwa sana na Kombe la FA mwaka jana... Walirudisha hisia hiyo ya fahari. Hasa baada ya Kombe la FA. Kushinda timu bora zaidi duniani (Manchester City), hiyo pia ilikuwa nzuri. Nilifurahishwa na hilo."

Mholanzi huyo alitimuliwa mwezi Oktoba baada ya takriban miaka miwili na nusu huko Manchester.

Ten Hag, 55, aliteuliwa kuwa kocha mkuu wa United Mei 2022 kufuatia kuondoka kwa Ralf Rangnick.

Katika msimu wake wa kwanza, kocha huyo wa zamani wa Ajax alishinda Kombe la Carabao na kuiongoza United kumaliza katika nafasi ya tatu kwenye Ligi ya Premia.

Pamoja na hayo, United ilifika fainali ya Kombe la FA na robo fainali ya Ligi ya Europa.

Kumekuwa na mazungumzo kuwa Ten Hag anaweza kurejea kwenye uongozi siku za usoni baada ya kuhusishwa na nafasi ya Borussia Dortmund mwezi uliopita.

Hata hivyo, Ten Hag katika mazungumzo hayo alithibitisha kuwa hana hamu ya kurejea dimbani hadi angalau msimu wa joto.

"Mikono yangu bado haijawashwa. Sitafanya chochote hadi tarehe 1 Julai. Kwa kweli hiyo ni mara ya kwanza, ndio. Kimsingi ni kipindi cha kujitazama kwenye kioo. Nina amani kwa hilo sasa.”