Video Feki Trump Akibusu Miguu ya Elon Musk Yapeperushwa Kwa TV ya Serikali

VIDEO iliyotengenezwa na AI ambayo ilionyesha Rais wa Marekani, Donald Trump akionekana kumbusu miguu peku ya bilionea Elon Musk ilipeperushwa katika makao makuu ya makao makuu ya  Idara ya Nyumba na Maendeleo ya Miji jijini Washington siku ya Jumatatu, kwa mshangao wa wafanyikazi wengine.

Video hiyo ambayo wataalamu wameitaja kuwa ya uwongo, inaonyesha Trump akionekana kumkanda na kunyonya miguu ya Elon Musk. Manukuu juu ya video yanasema "Uishi mfalme halisi."

Nukuu inaonekana kurejelea moja ya machapisho ya Trump kwenye jukwaa lake la Truth kutoka wiki iliyopita, ambapo aliandika, "Uishi mfalme!"

Chanzo cha video hiyo bado hakijajulikana. Haijulikani ikiwa onyesho lilitokana na udukuzi au mzaha wa ndani.

Kanda hiyo, ambayo ilidumu kwa muda mrefu, ilienea kwa kasi mtandaoni, huku watumiaji wakijadili iwapo ilikuwa ni ukiukaji wa usalama wa mtandao au hitilafu iliyoratibiwa.

Kasey Lovett, msemaji wa idara, alisema katika taarifa kwamba kutakuwa na "hatua zinazofaa" zitachukuliwa "kwa wote wanaohusika" katika mchezo huo.

Video hiyo ya uwongo ilionekana wiki hii huku kukiwa na juhudi zinazoendelea za Musk za kupiga msasa wafanyikazi wa serikali, ambayo imesababisha dhoruba serikalini, na kusababisha mkanganyiko mkubwa kati ya wafanyikazi na hasira na umma.

Ingawa Ikulu ya White House imekanusha kuwa Musk ndiye mkuu wa Idara ya Ufanisi wa Serikali, bilionea huyo anafahamika sana kuwa kiongozi mkuu wa shirika lisilo la kiserikali ambalo Trump ameachilia juu ya miundombinu ya serikali.

Tangu kuapishwa kwa Rais, Elon Musk, ambaye sasa ni mshirika mkuu wa Trump, amepata ushawishi mkubwa katika mashirika ya serikali.

Musk aliteuliwa kuongoza Idara ya Ufanisi wa Serikali, kusimamia upunguzaji wa bajeti na upunguzaji wa wafanyikazi, ambao umesababisha maelfu ya wafanyikazi wa mashirika kuachishwa kazi.

Wiki jana, mashirika ya serikali yalitoa maagizo yanayokinzana kuhusu kujibu barua pepe kutoka kwa Elon Musk, iliyotumwa chini ya utawala wa Rais Trump, ikiwataka wafanyikazi kuwasilisha muhtasari wa hoja 5 kuhusu kazi zao.

Baadhi ya mashirika ya awali yaliwaambia wafanyakazi kuzingatia lakini baadaye yakabadilisha mwongozo wao, huku mengine yakitoa majibu sanifu ili kuepusha masuala ya usalama.

Trump na Musk wameshinikiza kuwepo kwa sera kali za mahali pa kazi, huku Musk akisema kuwa kutojibu barua pepe kutachukuliwa kuwa kujiuzulu.

Trump pia aliamuru wafanyikazi, ambao hawajafuata agizo lake la kurejea ofisini, wawekwe likizo.