Rais wa Romania Klaus Lohannis ajiuzulu.

Rais wa Romania Klaus Iohannis amejiuzulu kufuatia shinikizo la kumtaka ajiuzulu kabla ya uchaguzi wa rais ambao ulifutwa kutokana na utata mwaka jana.

Uchaguzi wa Desemba ulibatilishwa na mahakama ya juu ya Romania baada ya madai ya serikali ya Urusi kuingilia kati.

Iohannis anayeondoka, ambaye ni mpigania uhuru wa Umoja wa Ulaya, alisema ataendelea kuwa madarakani hadi mrithi wake atakapochaguliwa mwezi Mei.

Lakini jambo hilo la kujiuzulu lilikosolewa vikali na wanasiasa wa mrengo wake na wafuasi wao, ambao walifanya vizuri katika duru ya kwanza ya uchaguzi mwezi Disemba.

wakosoaji hao walikuwa wamewahamasisha maelfu ya Waromania kuingia mitaani mwezi uliopita kupinga kufutwa kwa uchaguzi.

Wabunge wa upinzani walikuwa wamezindua hoja bungeni tena siku ya Jumatatu ili kuhamasisha rais huyo kusimamishwa.

Kwa kujibu, Iohannis alisema atajiuzulu, katika jitihada za kupunguza kile alichosema kuwa itakuwa kuharibu kura ya maoni na mgawanyiko kwa nchi.

"Ili kuokoa Romania na wananchi wa Kiromania kutoka kwa mgogoro ... Ninajiuzulu kutoka ofisi ya rais wa Romania," alisema. Aliongeza  kuwa atajiuzulu rasmi siku ya Jumatano.

Huku duru mbili za uchaguzi zikitarajiwa kurudiwa tena Mei 4 na Mei 18, mahakama kuu ya Romania ilisema Iohannis, ambaye muhula wake wa pili na wa mwisho ulimalizika Desemba 21, ataendelea kubaki hadi mrithi wake atakapochaguliwa.

Lakini mwezi Januari, vyama ambavyo vinadhibiti asilimia 35 ya viti vya bunge, viliwasilisha hoja ya kumuondoa madarakani Iohannis.

Kwa hoja ya kupiga kura, Iohannis hakuwa na  umaarufu, wachambuzi wamesema baadhi ya wabunge kutoka vyama vikuu vya pro-European  wanaweza kutoa juhudi za wingi unaohitajika ili kufanikisha kutimuliwa kwake.

Ombi hilo la kumuondoa mamlakani lingekuwa na athari  ndani na nje ya nchi," Iohannis aliwaambia waandishi wa habari.

Spika wa Seneti Ilie Bolojan, kiongozi wa chama cha Liberal, mwanachama wa muungano unaotawala, atachukua nafasi ya rais wa mpito na mamlaka machache hadi uchaguzi.