Tanzia! Bilionea na kiongozi wa kiroho Aga Khan afariki dunia

Bilionea mfadhili na kiongozi wa kiroho Mtukufu Aga Khan amefariki dunia akiwa na umri wa miaka 88, shirika lake la hisani la Aga Khan Development Network limetangaza.

Prince Karim Aga Khan alikuwa imamu wa 49 wa urithi wa Waislamu wa Ismailia, ambaye anafuatilia nasaba yake moja kwa moja hadi kwa Mtume Muhammad.

Shirika lake la hisani, Mtandao wa Maendeleo wa Aga Khan, lilitangaza kifo chake siku ya Jumanne katika taarifa.

"Mtukufu Prince Karim Al-Hussaini, Aga Khan IV, Imam wa 49 wa kurithi wa Waislamu wa Shia Ismailia na kizazi cha moja kwa moja cha Mtume Muhammad (rehema na amani ziwe juu yake), alifariki dunia kwa amani jijini Lisbon tarehe 4 Februari 2025, mwenye umri wa miaka 88, akiwa amezungukwa na familia yake," taarifa hiyo inasomeka kwa sehemu.

Mtandao wa Maendeleo wa Aga Khan ulisema mrithi wake atatangazwa hivi karibuni.

“Tangazo la mrithi wake mteule litafuata.Viongozi na wafanyakazi wa Mtandao wa Maendeleo wa Aga Khan tunatoa pole kwa familia ya Mtukufu na kwa jumuiya ya Ismailia duniani kote. Tunapoheshimu urithi wa mwanzilishi wetu, Prince Karim Aga Khan, tunaendelea kufanya kazi na washirika wetu kuboresha hali ya maisha ya watu binafsi na jamii kote ulimwenguni, kama alivyotaka, bila kujali itikadi zao za kidini au asili,” taarifa ilisomeka zaidi.

Aga Khan alimrithi babu yake, Sir Sultan Mahomed Shah Aga Khan III, kama Imamu wa Waislamu wa Shia Ismailia mwaka 1957 akiwa na umri wa miaka 20.

Tangu wakati huo, amejitolea juhudi zake za kuboresha hali ya maisha ya watu walio hatarini zaidi, akisisitiza mtazamo wa Uislamu kama imani inayofundisha huruma na uvumilivu na inayoshikilia utu wa mwanadamu.

Mtukufu Aga Khan ni Imam wa 49 wa kurithi (kiongozi wa kiroho) wa Waislamu wa Shia Ismailia.

Mtukufu amejishughulisha sana na maendeleo ya nchi kote ulimwenguni kwa zaidi ya miaka 60 kupitia kazi ya Mtandao wa Maendeleo wa Aga Khan (AKDN).