Christopher Nkuku kuhamia Old Trafford, huku Garnacho akielekea Stamford Bridge

Manchester United wanaripotiwa kufikiria uwezekano wa kumnunua winga wa Chelsea Christopher Nkunku kabla ya kufungwa kwa dirisha la uhamisho la Januari.

Kulingana na Sky Sports, mchezaji huyo wa kimataifa wa Ufaransa mwenye umri wa miaka 27 amemezewa mate Old Trafford huku United wakitafuta kutatua matatizo yao ya kufunga mabao.

 Ingawa Chelsea wanasitasita kumuuza Nkunku, wanaweza kufanya biashara ikiwa bei yao ya pauni milioni 70 ($87m) italingana.

United, hata hivyo, hawako tayari kufikia thamani ya Chelsea ya mchezaji huyo.

Kipindi kifupi cha mshambuliaji huyo akiwa na The Blues hakijaenda sawa kabisa kulingana na mpango wake, huku Mfaransa huyo akifunga mabao 16 pekee katika mechi 42.

Chelsea wameripotiwa kuwa hawajafanya maamuzi kuhusu mustakabali wa Nkunku, kukiwa na uwezekano sawa wa kuondoka au kubaki.

Mashetani wekundu waliripotiwa kutaka kumsajili nyota huyo wa Ufaransa awali alipokuwa bado anaichezea Leipzig ya Ujerumani.

Nkunku anaweza kununuliwa kuchukua nafasi ya Alejandro Garnacho, ambaye Chelsea wanadaiwa kutaka kumsajili.

United wameripotiwa kuweka dau la pauni milioni 55 kwa winga huyo mwenye umri wa miaka 20, ambaye mkufunzi wa Chelsea Enzo Maresca hajakataa kumnunua.

 "Tunazingatia [soko] ikiwa kitu kinaweza kutokea. Lakini siku 10 zimesalia, hatukufanya chochote, tulimuita tena Trev [Chalobah]. Tutaona katika siku 10 zijazo kama kuna kitu kitafanyika. Kutokea,” Maresca alisema katika mkutano na waandishi wa habari hivi majuzi.

Chelsea ilithibitisha kuwasili kwa Nkunku kutoka RB Leipzig mnamo Juni 2023 walipomsaini kwa mkataba wa miaka sita hadi 2029.