Garnacho Amemwambia Ajenti Wake Angependelea Kuhamia Chelsea Kuliko Napoli

WINGA wa Manchester United Alejandro Garnacho anapendelea kuhamia Chelsea badala ya Napoli, kulingana na ripoti kutoka Argentina.

Napoli tayari wamekataliwa ombi la kumnunua Garnacho kwani United walikuwa tayari kutoa ada ya uhamisho ya pauni milioni 70 kwa mchezaji huyo mwenye umri wa miaka 20.

Chelsea pia inachunguza uwezekano wa kumsajili Garnacho kabla ya mwisho wa dirisha la usajili la Januari na maajenti wawili wa winga huyo walikuwa Stamford Bridge Jumatatu usiku kutazama ushindi wa Chelsea wa 3-1 dhidi ya Wolves.

Uongozi wa United ulifanya mazungumzo zaidi na Napoli siku ya Jumanne na ripoti nchini Italia zinadai kuwa timu hiyo ya Ligi ya Premia sasa imeshusha bei inayotakiwa hadi €65m (£54.8m).

Wakati huo huo, TyC Sports inaripoti kwamba upendeleo wa Garnacho ungekuwa kusalia kwenye Ligi ya Premia, ingawa Chelsea bado hawajawasilisha ofa kwa United.

Ripoti hiyo inaongeza kuwa Garnacho hajafanya uamuzi wa mwisho juu ya mustakabali wake na uhamisho wake utategemea iwapo Chelsea itafuatilia nia yao.

Chelsea pia wameonyesha nia ya kutaka kumsajili winga wa Bayern Munich Mathys Tel mwezi huu lakini timu hiyo ya Ujerumani inakataa kumuuza mchezaji huyo mwenye umri wa miaka 19, ambaye amecheza kwa dakika 332 pekee katika mashindano yote msimu huu.

Winga mwingine kwenye rada za Chelsea ni Jamie Gittens wa Borussia Dortmund, ingawa wanakabiliwa na ushindani kutoka kwa Bayern Munich na Dortmund wako kwenye nafasi nzuri ya mazungumzo huku kandarasi ya mchezaji huyo wa miaka 20 ikiisha 2028.

United, wakati huohuo, walifanya mazungumzo na Lecce Jumanne kuhusu mpango wa kumnunua beki wao wa kushoto mwenye umri wa miaka 20 Patrick Dorgu.

Ofa ya ufunguzi ya €30m (£25.3) pamoja na ziada ya €5m (£4.2m) ya bonasi kutoka kwa United ilikataliwa na Lecce, ambaye anataka kumbakisha Dorgu hadi mwisho wa msimu.

Napoli pia wamefanya mazungumzo juu ya kumsajili Dorgu na watafikiria kumruhusu mchezaji huyo wa kimataifa wa Denmark kusalia kwa mkopo Lecce kwa muda uliosalia wa kampeni.