Akumu asalia na matumaini Kenya ikijiandaa kukabiliana na Zimbabwe na Namibia

Licha ya kupoteza mara mbili kwa Cameroon hivi majuzi, kiungo wa Harambee Stars Teddy Akumu bado ana matumaini kuwa Kenya bado inaweza kufuzu kwa Kombe la Mataifa ya Afrika (AFCON) 2025. 

Matarajio ya Kenya yamedidimia, lakini Akumu anadhani kwamba mechi zijazo dhidi ya Namibia na Zimbabwe zitatoa nafasi kwa taifa hilo la Afrika Mashariki kujikomboa.

Uwanja Mpya wa Peter Mokaba mjini Polokwane utakuwa mwenyeji wa mechi za Kenya dhidi ya Namibia Jumanne, Novemba 19, na Zimbabwe Ijumaa, Novemba 15.

Kushinda michezo hii miwili muhimu kunaweza kufufua matumaini ya Harambee Stars na kuwarejesha mbioni.

Kenya ilianza vyema msimu huu, ikishinda kundi hilo mwezi Septemba baada ya kupata pointi nne kutokana na ushindi dhidi ya Namibia na kutoka sare na Zimbabwe. 

Hata hivyo, kushindwa kwa mfululizo kwa Cameroon kulileta pigo kubwa kwa matarajio yao, na kuongeza shinikizo kwa timu inapokaribia mechi hizi za maamuzi.

Licha ya vikwazo, Akumu ni shupavu na mwenye matumaini. "Ni changamoto, lakini hii ni soka. Bado tumebakiza mechi mbili. Hakuna kinachoshindikana. Tukiweka juhudi zetu zote, tunaweza kushinda. Tutafanya kila tuwezalo, na ninaamini tunaweza kufuzu."

Akumua liwaomba mashabiki wa Kenya kuunga mkono harakati za timu hiyo kufuzu AFCON.

“Lazima wasimame nasi, wasiache kutuamini, kama kawaida tutafanya kila tuwezalo, tulishiriki mechi za kirafiki na kujiandaa vya kutosha kwa mechi hizi za kufuzu, tulipoteza baadhi ya mechi lakini pia tumeshinda.

"Baadhi ya matokeo hayakwenda tunavyotaka, lakini tutatumia masomo tuliyojifunza kujiboresha zaidi."