Nadhani nilisherehekea sana baada ya ku-occupy parliament!- Mammito atoa maelezo zaidi kuhusu ujauzito wake

Aliyekuwa mchekeshaji wa kipindi cha Churchill Show, Mammito Eunice, ameendelea kutoa maelezo zaidi kuhusu ujauzito wa mtoto wa kwanza aliotangaza mapema wiki hii.

Katika chapisho siku ya Jumatano, mrembo huyo mcheshi alidokeza kwamba alipata ujauzito ambao anabeba wakati wa maandamano ya vijana yaliyofanyika nchini Kenya miezi michache iliyopita.

Mammito alibainisha kuwa huenda hakuweza kuficha furaha yake baada ya vijana kuvamia bunge mwezi wa Juni, na hilo likapelekea mimba ambayo anaibeba kwa sasa.

"Maandamano Baby… Baada ya kuingia bungeni, nadhani nilisherehekea sana!!!," Mammito alisema chini ya video aliyochapisha Instagram ikionyesha ujauzito wake.

Cup pressure peaks as Shabana host Kenya Police in blockbuster quarter-final Football

Upper Hill coach Walgwe unperturbed despite drawing giants in Prescott Cup group phase Rugby

Mchekeshaji huyo alifichua hayo alipokuwa akitangaza shoo yake ya ucheshi iliyoratibiwa kufanyika Desemba 20, 2024.

Katika tangazo lake, alieleza kwamba anahitaji pesa za kumlea mtoto wake ambaye hajazaliwa.

"Pata tikiti zako kwa sababu bish anahitaji pesa za nepi," alisema.

Mammito alitangaza habari za ujauzito wake siku ya Jumanne katika video ya kibunifu ambayo aliichapisha kwenye mitandao ya kijamii.

Katika video hiyo, mrembo huyo mcheshi alionekana akicheza na mpira wa kandanda kwenye uwanja usio na watu kabla ya kufichua ujauzito wake mzito.

“Kwani unataka nishike mipira ngapi? Je, moja haitoshi?" Mamito alisema baada ya kuonyesha ujauzito wake.

Aliendelea kueleza kuwa ujauzito ni baraka na anaukubali.

“Mimba ni baraka *2. Mimi Mammito, tulipatana na Pappito, tukatengeneza kapappito,” alisema.

Katika chapisho lingine, Mamitto alitoa shukrani zake za dhati kwa mashabiki wake wengi ambao walikuwa wamempongeza kwa hatua kubwa ya maisha ambayo amepiga.

Pia alielezea shauku yake ya kuingia katika uzazi na kukutana na mtoto wake wa kwanza.

“Asanteni kwa jumbe nzuri za pongezi. Ninashukuru kwa safari mpya ya #babyto baking,” alisema.

"Moyo wangu umejaa .. siwezi kusubiri kukutana nawe," aliongeza, akimzungumzia mtoto wake ambaye hajazaliwa.

Mchekeshaji huyo wa zamani wa Churchill Show hata hivyo hakufichua maelezo zaidi kuhusu ujauzito wake. Mpenzi wake, ambaye pia anakusudiwa kuwa mzazi mwenzake pia amebaki kuwa kitendawili.